NgeSonto eleZimbabwe linanza iminyaka engamatshumi amathathu lathola uzibuse. Ilizwe lithole uzibuse mhlaka 18 ngoMabasa ngomnyaka ka 1980. Kodwa inengi lithi ilizwe ngokuthola uzibuse lihle laqala ukubhidlika inengi langena ebuyangeni obumangalisayo, ngakhoke akulalutho lokuthakazelela.
Ingcwethi zithi ezombusazwe, ezenotho, ezenhlalakahle nje kazulu zihle zabhidlika. Ukungahlonitshwa kwelungelo loluntu, ukungaqhutshwa kuhle kokhetho ngokunye okwenze uzulu weZimbabwe adele inhliziyo.
Laloba sokulohulumende womanyano inenge lithi intuthuko isesekhatshana ngoba ibandla leZANU PF yilo elilokhe liphethe intambo zombuso.
Ukuhlaziya udaba lukazibuse lokuthi ilizwe liyangaphi sixhume uMnumzana Paul Siwela ingcwethi ecubungula ezombusazwe endawonye loNkosikazi Anastacia Moyo umqondisi wenhlanganiso yeBulawayo Agenda.
