amalinks wokungena

Breaking News

IMDC Ekhokhelwa NguMnu. Tsvangirai Iyavuma Ukuthi Amalunga Ayo Alwile Ngokhetho Lwempelaviki


Kulandela udlakela olubikwa luqhamuke phakathi kwamalunga ecele le MDC elikhokhelwa nguMnu. Morgan Tsvangirai ngempelaviki ezigabeni ezitshiyeneyo zelizwe kuqhutshwa ukhetho lokudinga inkokheli yezigaba, ibandla leli selethule umbiko lisithi amapholisa yiwo achitha-chithe imihlangano yawo.

Kulandela udlakela olubikwa luqhamuke phakathi kwamalunga ecele le MDC elikhokhelwa nguMnu. Morgan Tsvangirai ngempelaviki ezigabeni ezitshiyeneyo zelizwe kuqhutshwa ukhetho lokudinga inkokheli yezigaba, ibandla leli selethule umbiko lisithi amapholisa yiwo achithe imihlangano yawo.

Kodwa ezinye iziphathamandla zalelibandla ziyakulandula lokhu zisithi ngempela bekuyimpi yomndeni njalo amapholisa abezolamula.

Izigaba ezibalisa i Bulawayo, i Mashonaland Central le Midlands North lapho okubikwa kuqhamuke khona ukungezwanani phakathi kwamalunga alelibandla zikhangelelwe ukuqedisa ukhetho lolu ngempelaviki ezayo.

EMutare, isiphathamandla salelibandla uMnu. Innocent Gonese ubikwa ecele enyaweni abatsha balelibandla sebefuna ukumsusela amanqe. KoBulawayo, abakade bsezikhundleni zobukhokheli kulesi sigaba bayasola indlela uMnu. Gorden Moyo akhethwe ngayo ukuthi abengumgcinisihalo walesisigaba njalo bathi sebekhweze loludaba kunkokheli yebandla

UNkosazana Thabitha Khumalo, umsekeli wesikhulumi salelibandla utshele uSithandekile Mhlanga weStudio 7 ukuthi ibandla lakhe kalijwayelanga udlakela, ikakhulu koBulawayo njalo lungabe lulethwe ngabasanda kuba ngamalunga alelibandla.

XS
SM
MD
LG