amalinks wokungena

Breaking News

IMDC Ekhokhelwa NguMnu. Welshman Ncube Igcizelela Ukuthi Inkokheli Kwezomvikela Elizweni Akufanelanga Isekele Amabandla Ezombusazwe


UMnu. Ncube ubekhuluma emhlanganweni walelibandla osanda kuqhutshwa eBafana Business Centre eLupane East esigabeni se Matabeleland North lapho agcizelele khona ukuthi abezomvikela akufanelanga bebambe ngamandla abantu ukuthi basekele uMongameli Robert Mugabe.

Umkhokheli welinye lamacele e MDC uMnu. Welshman Ncube ugcizelele amazwi enhloko kahulumende uMnu. Morgan Tsvangirai athi inkokheli kwezomvikela welizwe kumele zitshiyane lomkhuba wokusekela amabandla ezombusazwe.

UNcube ubekhuluma emhlanganweni walelibandla osanda kuqhutshwa eBafana Business Centre eLupane East esigabeni se Matabeleland North lapho agcizelele khona ukuthi abezomvikela akufanelanga babambe ngamandla abantu ukuthi basekele uMongameli Robert Mugabe.

Bekuphoselwana aqatha phakathi kwenhloko kahulumende uMnu. Morgan Tsvangirai lenkokheli yebutho kulandela amazwi esiphathamandla sebutho uMnu. Douglas Nyikayaramba othi uMnu. Tsvangirai uyingozi kwezomvikela welizwe ngoba usetshenziswa ngamazwe aphetsheya ukuthi aguqule umbuso okhona kweleZimbabwe.

UMnu. Edwin Ndlovu, isikhulumi salelibandla ko Bulawayo utshele uSithandekile Mhlanga weStudio 7 ukuthi ibandla lakhe lithemba ukuthi inkulumo zokukhumisana umlotha phakathi kwamabandla ezombusazwe akuhulumende womanyano zizalungisisa loludaba.

XS
SM
MD
LG