amalinks wokungena

Breaking News

IMDC Imisa Umsebenzi Umqondisi Wayo Obanjwe Eganga loNkosikazi woMnikazi


Icele leMDC elikhokhelwa nguMnu Morgan Tsvangirai ngoLwesithathu limise umsebenzi umqondisi walo obona ngendaba eziphathelane lezisebenzi zalelibandla uMnu Toendepi Shonhe loNkosikazi Sandra Mutsimba ngemva kokuba ababili laba bebanjwe xhaka besemacansini kwenye ihotela koBulawayo.

UNkosikazi Mutsimba ubikwa ebanjwe ngumkakhe ngoMgqibelo elele loShonhe eZaks Place, okuyindawo ebikwa ithandwa kakhulu zinkisela.

UMutsimba, ubikwa efike waxabana kakubi loShonhe ngokuganga loNkosikazi wakhe kwanqindanwa ngezibhakela kwaba yijambanja pahotera, kwaze kwalamula amapholisa.

UMnu Shonhe ubotshiwe wayahlawula ifayindi enkambeni yeCentral Police Station.

Ekhuluma emhlanganweni lentathelizindaba eHarare, isikhulumeli sebandla leli uMnu Nelson Chamisa uthe iMDC isaphendla icala eletheswa uShonhe loMutsimba, wathi ibandla lakhe alisekeli lakancane ukuganga okunje.

Wengeze wathi sebebumbe ikomidi ezacwayisisa ngodaba lolu elamalunga eNational Executive yalelibandla amabili athi uMnu Norman Mabhena loNkosikazi Lucia Matibenga kanye legqwetha uMnu Innocent Chagonda.

Umsekeli wesikhulumeli seMDC kaTsvangirai uNkosazana Thabitha Khumalo utshele uNtungamili Nkomo weStudio 7 ukuba uphenyo abalwenzayo ngodaba lolu bakhangelele ukuthi lube seluphelile ngemva kwamalanga ayithobaminwe mibili.

‚Äč
XS
SM
MD
LG