amalinks wokungena

Breaking News

IMDC Inanza Impilo Yeqhawe uMnu Lookout Masuku


Icele leMDC elikhokhelwa nguMnu Welshman Ncube belikhumbula umuyi uMnu Lookout Masuku ngoLwesine, owafa ngalolusuku ngomnyaka ka1986.

UMasuku wayengumkhokheli wevuyo lebutho leZipra ngesikhathi sempi yenkululeko wazokuba njalo ngumsekeli kamkhokheli webutho lesizwe lapho ilizwe lithola uzibuse.

Wabotshwa ngo1982 loMnu Dumiso Dabengwa besetheswa umlandu wokuqoqa ukugenqula uMugabe embusweni.

Ngo1983 idale leSupreme Court lafumana ababili laba, labanye abasolwa abane bengelacala, kodwa amapholisa abavalela futhi.

UMasuku ufe ngomnyaka ka1986, ngemva kokukhululwa ngoba impilakahle yakhe ingasamanga kuhle.

Embikweni ewethule ngoLwesine iMDC ithe iyayithakazelela impilo kaMasuku ngoba ebengumuntu olwela umbuso okhululekileyo.

Lelibandla lithi lizaqhubeka lilwela konke uMasuku ayekumela njalo lithi alibuyeli muva kudaba lokuzibusa kwezabelo, i-devolution.

Isikhulumeli salelibandla uMnu Nhlanhla Dube utshele iStudio 7 ukuthi uMasuku ngelinye lamaqhawe alohlonzi azahlala ephakanyiswa libandla lakhe.

Okuhambelana lalokhu

XS
SM
MD
LG