Icele leMDC elikhokhelwa nguMnu Morgan Tsvangirai ngoLwesibili lethule amakhansila alitshumi lasikhombisa asexexebuke esuka kucele likaMnu Arthur Mutambara eNkayi.
Umgcinisihlalo weMDC kaTsvangirai eMatabeleland North uMnu Sengezo Tshabangu utshele intathelizindaba emhlanganweni awenzele koBulawayo ukuba manengi amakhansila elizweni jikelele asefuna ukuza kubandla lakhe esuka kuZanu PF lakuMDC kaMutambara.
IMDC ekhokhelwa nguMnu Mutambara yethesa iMDC kaTsvangirai icala lokuthenga amakhansila la ngemali, ukudla lamabhayisikili ukuthi ehlubuke.
Kodwa uTshabangu ukulandule lokhu kungxoxo ayenze loNtungamili Nkomo weStudio 7.
