Icele leMDC elikhokhelwa nguMnu. Arthur Mutambara selethese inkokheli yecele leMDC elikhokhelwa nguMnu. Morgan Tsvangirai umlandu wokufumbathisa abasekeli balo ukuze bahlamukele kilo.
Lokhu kulandela ukuxexebuka kwamakhansila edolobheni lakoBulawayo amabili athi uDokotela John Fergusson omela iWard 5 loNkosikazi Jennifer Bent oka Ward 6.
Ababili laba babonakale emhlanganweni wecele elikhokhelwa nguMnu. Tsvangirai obu koBulawayo ngempelasonto. Unobhala jikelele weMDC ekhokhelwa nguMutambara uMnu Welshman Ncube, utshele iStudio 7 ukuthi balobufakazi bokufumbathiswa kwamalunga abo.
Njengoba iStudio 7 ingasekeli hlangothi sixoxe lomsekeli wesikhulumeli wecele leMDC elikhokhelwa nguMnu. Morgan Tsvangirai, uNkosazana Thabitha Khumalo, ukuze sizwe imbono yabo ngaloludaba.