amalinks wokungena

Breaking News

IMDC-T Ikhala Ngokuhlukuluzwa Kwamalunga Ayo Okulokhu Kuqhubeka


Isiphathamandla secele le MDC elikhokhelwa nguMnu. Morgan Tsvangirai, uMnu. Ian Kay, oqede impelansonto esesitokisini se Rhodesville eHarare ukhululwe ngesibambiso se bail ye US$500 lamuhla emthethwandaba.

Isiphathamandla secele le MDC elikhokhelwa nguMnu. Morgan Tsvangirai, uMnu. Ian Kay, oqede impelansonto esesitokisini se Rhodesville eHarare ukhululwe ngesibambiso se bail yamakhulu amahlanu amadollar eMelika- US$500 ngoMvulo emthethwandaba. UMnu. Kay obesetheswa icala lokwaba amaphilisi angasasebenziyo, lokunye, uzamiswa njalo phambi komthethwandaba mhlaka 24 kuyonale inyanga. Emthethwandaba munye, ukhansila Mazhata, laye ukhululwe nge bail yamakhulu amathathu amadollar eMelika- US$300.

UMnu. Tinoziva Bere, igqwetha lika Mnu. Farai Maguwu, olwela ilungelo loluntu, yena obotshwe ngeviki edluleyo, utshele iStudio 7 ukuthi uMaguwu kasamiswanga phambi ko mthethwandaba ngoba amapholisa etshone elungisisa incwadi zakhe, ngakhoke uzamiswa ngoLweSibili.

Isiphathamandla sebandla le MDC 99, uMnu. Job Sikhala,owetheswa icala lokuqhuba umhlangano wokubumba ibandla lakhe engatholanga imvumo emapholiseni, umiswe phambi komththwandaba ngoMvulo, lapho akhulume ngokuthi icala lakhe lesulwe.

Umsekeli wesikhulumi secele le MDC elikhokhelwa nguMnu. Morgan Tsvangirai, uNkosazana Thabitha Khumalo, utshele uSithandekile Mhlanga we Studio 7 ukuthi ukubotshwa kweziphathamandla zalelibandla, ezigoqela uMnu. Morgan Komichi, icala lakhe lokuhaya uMongameli Robert Mugabe elesulwe ngumthethwandaba we Bindura ngoMvulo, yikuhlukuluzwa nje libandla le ZANU PF.

UKhumalo uthi ibandla le ZANUPF, lenzela ukuthi abalandeli babo bethuke, behluleke ukwethula imono yabo kuhlelo lokulotshwa kutsha kwesisekelo sombuso olusaqhubeka

‚Äč
XS
SM
MD
LG