amalinks wokungena

Breaking News

IMDC-T Ithi Iqhubekela Phambili Ngohlelo LweConstitution Lanxa Ilokukhonona


Ikomidi yedale lephalamende ebona ngokulotshwa kutsha kwesisekelo sombuso, eye COPAC, ithi uhlelo lokuqoqwa kwembono kazulu luzaqhubekela phambili, njalo imihlangano eyasalelayo kwezinye izigaba zelizwe ezigoqela i Harare le Manicaland layo izaqhutshwa.

Lokhu kulandela amazwi womkhokheli webandla le MDC uMnu. Morgan Tsvangirai akhomba ukuthi kasuthiseki ngendlela okuqhutshwa ngayo uhlelo lolu, kanye lezinye inhlelo zikahulumende womanyano.

UNkosikazi Gladys Dube-Gombami, isiphathamandla se COPAC, njalo elilunga lalelibandla, utshele uSithandekile Mhlanga weStudio 7 ukuthi kufanele abantu bazwisise ukuthi bazaqhubeka ngohlelo lokuqoqwa kwembono yabantu lanxa bekwenza bekhonona.

Kusenjalo, uMnu. Alois Dzvairo, umgcinisihlalo wabatsha kunhlanganiso ebona ngokulotshwa kwesisekelo sombuso welizwe i National Constitutional Assembly, i NCA, ugcizelele kungxoxo ayiqhube loSithandekile Mhlanga we Studio 7 ukuthi ibandla le MDC ngabe litshiyana laloluhlelo ngoba lungaqhutshwa ngemfanelo.

‚Äč
XS
SM
MD
LG