amalinks wokungena

Breaking News

IMelika Ikhuthaza Ukuhlonitshwa Kwelungelo Loluntu eZimbabwe


Iziphathamandla zesigodlo seMelika eZimbabwe sezikhuthaze uhulumende womanyano ukuthi asebenze gadalala aqede ukwephulwa kwamalungelo oluntu.

Ekhuluma eseHarare, uNkosazana Amanda Porter ophatheke ekulotshweni kogwalo oluphatha amalungelo oluntu olwethulwe yisigodlo sakhe ngoLwesibili, uthe impumela yokucubungula kwabo itshengisa ukuthi ukwephulwa kwamalungelo oluntu kusaqhubeka, lanxa nje sokwehlile.

UNkosazana Porter usole njalo ukungabikhona kwemithetho evimba ukusetshenziswa kwabantu njengezigqili eZimbabwe kanye lokuhanjiswa kwabo kwezinye indawo ngenjongo zokubasebenzisa okuthiwa yihuman trafficking ngesingisi.

Wengeze wathi lokhu kwenziwa kakhulu yizihlobo njalo inengi labantu licina lisiya laphandle kwelizwe lapho elicina libhekana lobunzima obumangalisayo. UNkosazana Porter uthe njalo ilizwe lakhe alisekeli amazwe akusimo esinje.

Ugwalo olwethulwe nguNkosazana Porter lolu lukhangele umumo wokulondolozwa lokwephulwa kwamalungelo abantu kusukela ngomnyaka ka 2009 uhlanganisela amalungelo ezisebenzi, ukubotshwa kwabantu lokuphathwa kwabo emajele, amalungelo enhlanganiso zezindaba, ukuthunjwa kwabantu lokunye.

‚Äč
XS
SM
MD
LG