amalinks wokungena

Breaking News

IMelika Isekela Ukubuyiselwa KweZimbabwe KuIMF


Ele Melika lithi liyasekela umnqondo wokubuyiselwa kwamalungelo eZimbabwe okuba lilunga elipheleleyo lenhlanganiso ephathisa amazwe omhlaba ngemali, eye International Monetory Fund.

IZimbabwe ilahlekelwe ngamalungelo ayo okuphatheka emihlanganweni yokuthatha izinqumo kuIMF eminyakeni edluleyo kulandela ukwehluleka kwayo ukuhlawula izikwelede zayo kulinhlanganiso.

Okwamanje iZimbabwe ayenelisi ukweboleka imali kuIMF lokungena emihlanganweni yayo ngenxa yesikwelede sayo ese US$86 million.

Isikhulumeli sesigodlo seMelika eZimbabwe uMnumzana Tim Gerhardson uveze ukuthi ilizwe lakhe kalisoze livimbe ukubuyiselwa kwamalungelo eZimbabwe emihlanganweni ye IMF ezakwenziwa ngenyanga ezizayo.

Ingcwethi ecubungula ezombusazwe uMnumzana Brilliant Mhlanga utshele uNtungamili Nkomo weStudio 7 ukuthi uyalisekela inyathelo leMelika.

Kusenjalo, inkulumo zokulungisisa okuhluphayo kuhulumende womanyano phakathi kweZanu PF leMDC bezikhangelelwe ukuqala ntambama ngoLwesithathu eHarare.

‚Äč
XS
SM
MD
LG