Ingozi emigwaqweni elizweni lokhu zisanda, njalo inengi lithi imigwaqo, yona esesimeni esibi kakhulu, yiyo ebangela lezingozi, ezinye esezibangele ukufa kwabantu.
Imigwaqo ephakathi kwamadolobho, kanye leyama highway; eya emadolobheni lakwezinye indawo ibikwa ilama godi-godi, abangela ingozi lapho abatshayeli bezimota bezama ukuwavika.
UMnu. Albert Mhlanga, ilunga le komidi yedale lephalamende ebona ngokuphathelene lezemigwaqo, utshele uSithandekile Mhlanga weStudio 7 ukuthi imigwaqo isesimeni esibi ngoba imali etholakala kuntuba zama Toll Gates ayisetshenziswa ngemfanelo.