Amalunga edale lephalamende aphasise amabill amabili athi ele Finance lele Appropriations amayelana leBudget yomnyaka ozayo.
Amabill la adlule kungela kuphikisana ngoba besekuphuma imibiko yokuthi amalunga abethusele ukuwavimba njengendlela yokukhonona ngeholo lawo eliphansi.
Kulemibiko ebisithi afuna ukwengezelelwa iholo lifike kunkulungwane ezintathu zamadollar eMelika-US$3,000 ngenyanga njalo efuna ukuthi eyokuthuthukisa izigaba yengezelelwe ifike kunkulungwane ezingamakhulu amabili amadollar eMelika-US$200,000 ngomnyaka.
UChief Whip webandla leMDC elikhokhelwa nguMnumzana Morgan Tsvangirai uMnumzana Innocent Gonese utshele umsakazo weStudio 7 ukuthi amabill la apasile kalula njalo akula kuphikisana okubekhona.
Ikantike uChief Whip wecele leMDC elikhokhelwa nguMnumzana Arthur Mutambara uMnumzana Edward Mkhosi uthi kube kuzaba liphutha elikhulu ukuthi amalunga edale lephalamende adinge okuya ethunjini ngokuphikisana leBudget ka2011.
