amalinks wokungena

Breaking News

Impahla Ezingena Elizweni Sezizahlolwa Ziphiwe Izithupha Zokuthi Zilohlonzi Na


Impahla ezingeniswa elizweni.

Uhulumende uthi usezakwethula imigoqo ezafakelwa abathenga impahla kwamanye amazwe ezingela hlonzi kusukela ekuqaleni kwenyanga ezayo.

Ilizwe liphakathi kodubo lwempahla ezingena elizweni zithengiswa kodwa zingela sisindo esikhangelelweyo, ikakhulu ezivela kwele China.

Imigoqo le izakwethulwa nguhulumende emanyene lenhlanganiso yakwele France eye Bureau Veritas, izakwenza ilizwe lamukele impahla ezilesisindo esikhangelelwe yinhlanganiso yeWorld Trade Organization.

Inyathelo elithathwayo leli lizakwenza ukuthi abathenga impahla kwamanye amazwe baphiwe izithupa zokuthi impahla yabo ilungele ukungena elizweni na loba hatshi.

Uhlangothi olubona ngokubuthaniswa kwemali kahulumende olwe ZIMRA
Uhlangothi olubona ngokubuthaniswa kwemali kahulumende olwe ZIMRA

Uhlangothi olubona ngokubuthaniswa kwemali kahulumende olwe Zimbabwe Revenue Authority leziphathamandla zohlangothi lukahulumende olokuthengiselana, abe Standards Association of Zimbabwe kunye labenhlanganiso ye Bureau Veritas bazakuba besemgceleni yelizwe lapho abazahlola impahla engena elizweni besipha abathengayo laba ingwalo zebemvumo.

UChris Gande weStudio 7 uxoxe lengcwethi ecubungula ezomnotho welizwe, uMnumzana Masimba Kuchera yena osekela leli nyathelo.

Umnumzana Masimba Kuchera ingcwethi ecubungula ezomnotho
Umnumzana Masimba Kuchera ingcwethi ecubungula ezomnotho

“Uhulumende uthi sekulabantu abanengi abathenga impahla esingathi zi substandard kumbe eziphansi kwe quality efunakala elizweni. So usezama ukuthi impahla ezingena elizweni kumele zibe lama certificate atshengisa ukuthi zimitha a certain standard,” kutsho uKuchera.

Kodwa uKuchera uthi uhlelo olufuna ukwethulwa lolu kalusoze luphathise uzulu ngoba dudubo olukhona ngolokusilela kwemali ngoba bathenga impahla engelasisindo ngoba bengelamali.

please wait

No media source currently available

0:00 0:05:57 0:00
Lapho esitholakala khona

XS
SM
MD
LG