amalinks wokungena

Breaking News

Impikisano Iyaqhubeka Ngokhetho LwakoBulawayo Kucele LeMDC Elikhokhelwa NguMnu. Tsvangirai


Icele elisekela uMnu.Gorden Moyo okhethwe ukuba ngumcinisihlalo walesisigaba ngempelaviki edluleyo lithi nguye onqobileyo kukanti elisekela uMnu. Matson Hlalo owanqotshwayo lithi kumele kudilizwe lonke ukhetho kuqaliswe kutsha.

Akwaziwa ukuthi kozala nkomoni ngoMgqibelo kukhetho lokudinga inkokheli yesigaba se Bulawayo kucele le MDC elikhokhelwa nguMnu. Morgan Tsvangirai ngoba icele elisekela uMnu.Gorden Moyo okhethwe ukuba ngumcinisihlalo walesisigaba ngempelaviki edluleyo lithi nguye onqobileyo kukanti elisekela uMnu. Matson Hlalo onqotshwiweyo lithi kumele kudilizwe lonke ukhetho kuqaliswe kutsha.

Abasekela u Hlalo bathi kumele koBulawayo kwenziwe njenge Midlands North lapho ukhetho lonke oluqhutshwa kutsha ngoMgqibelo ngoba isigaba se Redcliff sibe singekho kuvotwa.

UMnu. Hlalo uthi ukhangelele ukuncintisa kulolukhetho ngoMgqibelo ngoba abe Magwegwe le Phelandaba abedlula amatshumi amahlanu babengekho kuvotwa.

Kunjalo-nje, uNkosazana Thabitha Khumalo, umsekeli wesikhulumi salelibandla utshele iStudio 7 ukuthi ibandla lakhe limelele isinqumo esitsha se Standing Committee esikhangelelwe ukuza lequla elikhokhelwa yisiphathamandla salelibandla, uMnu. Fidelis Mhashu onguye ozaqhuba lolukhetho, ngoba amanye amalunga e Standing Committee efuna ukuthi ukhetho lwakoBulawayo luqaliswe kutsha.

Kodwa uMnu. Albert Mhlanga, isiphathamandla salelibandla njalo eyisikhulumi sikaMnu. Gorden Moyo, utshele uSithandekile Mhlanga we Studio 7 ukuthi balencwadi evela ku Standing Committee ecacileyo ngokuthi uMoyo labanye ababili banqoba ngakho ukhetho lwakusasa kuzamele luqhubeke lapho olumiselwe khona.

UMhlanga uthi bayabhoda-bhoda edolobheni lako Bulawayo bethakazelela ukunqoba kukaMoyo bebonga labantu abamvotelayo.

.

XS
SM
MD
LG