amalinks wokungena

Breaking News

Impilakahle kaMongameli Mugabe Ibayindaba Egudwini


Ingcwethi ezungula ezombusazwe zithi nxa uMugabe engatshona kuzakuba lokuxokozela elizweni ngoba kungela ozamelama

Isimo sempilakahle kaMongameli Robert Mugabe siqhubeka sisiba yindaba egudwini kulandela imfanekiso ethulwe ngabezindaba kunyanga edluleyo etshengisa uMugabe esehluleka ukuhamba encediswa yizisebenzi zakhe.

Impilakahle kaMugabe, oseleminyaka engamatshumi ethoba minwe mibili lasithupha, ihlala iyimfihlo. Eminyakeni edluleyo kube lembiko yokuthi uMugabe uyagula kodwa aziveze engophilileyo ehleka limbiko. Kodwa imbiko esebulenjini bomsakazo we SW Radio Africa, ithi osekudale imbizo phezu kwempilakahle yakhe ngaphandle kokubonakala esehluleka ukuhamba yimfa kadadewabo.

Eminye imfanekiso ekhitshwe ebulenjini itshengisa uMugabe evuvuke ingqagala. Imbiko ekubulembu be Daily News ithi sekulekwesabela ukuthi nxa uMugabe engatshona kungaba lokuxokozela elizweni ngoba engakhethanga ozamelama. Ingcwethi ecubungula ezombusazwe, uMnu. George Mkhwananzi utshele uChris Gande weStudio 7 ukuthi ibandla leZanu PF kalilaqhinga lokuthi lizenzani nxa uMugabe engatshona yikho lifihla isimo sempilakahle yakhe.

‚Äč
XS
SM
MD
LG