amalinks wokungena

Breaking News

Impilo Yabaphila Legcikwane Isengozini Ngokuswelakala Kwemali


INational Aids Council ithi kwesatshelwa ukuthi nxa leyo mali ingasatholakalanga inkulungwane ezingamakhulu amathathu zabantu zilakho ukufa.

Inhlanganiso ye National Aids Council ithi kwesatshelwa ukuthi nxa kungasatholakalanga imali abantu abedlula inkulungwane ezingamakhulu amathathu bengazithola sebesengozini. Unobhala obona ngezemali kunhlanganiso le, uMnu. Albert Manenji utshele iphephandaba le The Herald ukuthi amazwe akade ephathisa eleZimbabwe ngemali yokuthenga ama ARV athi
kawasela mali.

UManenji uthi udubo lolu luzaqeliswa yikuthi isikhwama seGlobal Fund, ebesiphathisa ekwenqabeleni imikhuhlane yeTB leMalaria laso sithi singama ukuphathisa ngemali kusukela ngomnyaka ka 2014. Imbangela kuyikuthi amazwe abephathisa lesi sikwama ngemali athi aphakathi kodubo lokusilela kwemali ngenxa yomumo wenotho umhlaba jikelele omi manzonzo.

UChris Gande weStudio 7 uxoxe lolwela ilungelo labaphila legcikwane leHIV, uMnu Obert Banda esipha imbono yakhe ngaloludaba.



XS
SM
MD
LG