Imuli yomfelokazi, uNkosikazi Joyce Mujuru, isilobele igqwetha elikhulu lelizwe, uMnu. Johannes Tomana, icela ukuthi yaziswe impumela yokucubungula kwembangela yemfa kamuyi owayengumholi webutho uGeneral Solomon Mujuru.
Umantshi, uMnu. Walter Chikwanha, uzwe ubufakazi obuvele ebantwini abambalwa ekudingisiseni ukuthi umlilo otshise wabulala uMujuru ungaba ulumathe ngengozi kumbe yizitha zakhe.
UChikwana walile ukuthi isidumbu sika Mujuru sigejwe ukuze ingcwethi zihlosise njalo ukuthi kanti vele wafa njani.
Phansi komthetho we Inquest Act, umantshi kumele azise uTomana ukuthi uphume lesingqumo bani kodwa sekwedlule inyanga lokhu kungakaziwa isinqumo sikamantshi. Ingcwethi kwezemithetho, uMnu. Matshobana Ncube utshele iStudio 7 ukuthi umthetho uthi isinqumo sikamatshi nxa sesisaziwa kasiphikiswa.