Inkampani yamakhefa athengisa ukudla emhlabeni jikelele, iNando’s ithi kayisoze ibisatshengisa umbiko wayo wokuthengisa ukudla kumabonakude kulandela ukwethuselwa kwezisebenzi zayo ngabasekeli beZanu PF eHarare.
Umbiko lo we advert, ubutshengisa umlingiswa kaMongameli Robert Mugabe ehlezi yedwa ethafuleni elenqwabanqwaba yokudla.
Ekucineni kwalumbiko, kuzwakala ilizwi likhuthaza abantu ukuba bathenge ukudla kweNando’s okwanela immuli, uxwayisa njalo ukuthi engbikhona omele adle yedwa abanye belamba.
I advert le icunule abasekeli beZanu PF kuliviki bakhuthaza uzulu ukuba engaze abe esathenga ukudla kweNando’s.
Embikweni ewethule ngoLwesine, ihofisi yalinkampani kweleSouth Africa uthe isikhipha umbiko wayo obutshengisa kubomabonakude beSABC ngoba isesabela impilo yezisebenzi zayo kanye labathengi bokudla kwayo.
