amalinks wokungena

Breaking News

Inani Labahlukuluzwa Emihlanganweni yeCOPAC Lifika 2 300


Umanyano wenhlanganiso ezilwela ilungelo loluntu ezihlola okwenzakalayo kuhlelo lokubuthanisa imbono kazulu ezasetshenziswa ekulotshweni kwesisekelo sombuso esitsha uthi sekulezehlakalo zodlakela ezedlula inkulungwane ezimbili. Lumanyano owazakala ngokuthi yi ZZZICOMP uthi izehlakalo lezi, ezigoqela ukutshaywa kwabantu, ukuhlukuluzwa lokuvinjwa ukukhuluma, ziqanse ngesilinganiso sokungamatshumi amahlanu ekhulwini, 50 percent ngenyanga kaNtulikazi.

Lumanyano ubunjwa zinhlangano ezithi iZimbabwe Peace Project, Zimbabwe Election Support Network le Zimbabwe Lawyers for Human Rights. UChris Gande weStudio 7 uxoxe lolwela ilungelo likazulu engowenhlanganiso ye ZimRights, uMnu. Clemence Moyo, othi amabandla ezombusazwe kwakungamelanga ukuthi akhankase awakufana kungene esisekelweni sombuso ngoba yiko osekudale ubudlwangudlwangu.

Kusenjalo, ikomidi yedale lephalamende ebona ngokulothswa kutsha kwesisekelo sombuso ithi amaqembu aqoqa imbono yabantu ezangena kulolugwalo aphakathi kokuqedisa imihlangano eyasalelayo ezigabeni ezitshiyeneyo zelizwe.

EMatabeleland, izigaba ezasalelayo zigoqela iNkayi leTsholotsho, leminye imhlangano embalwa ko Bulawayo, kukanti eHarare uhlelo lolu lulokhu lusamisiwe. Ukuze sicubungule ukuthi bekuvele kuqakathekile ukuthi kube lembono eqoqelwa muva, uSithandekile Mhlanga oweStudio 7 uxoxe loMnumzana George Mkhwananzi, ingcwethi ecubungula ezombusazwe.

‚Äč
XS
SM
MD
LG