amalinks wokungena

Breaking News

Ingcwethi Zisola Ukubakhona KukaMugabe Ekugcotshweni KukaMugufali


Umongameli John Pombe Mugufuli

Umongameli Robert Mugabe ukwele Tanzania lapho angomunye wabahlonitshwa abanxuswe ekugcotshweni kukamongameli John Pombe Mugufuli osanda khethwa ukukhokhela lelolizwe.

Obengumongameli, uMnu. Jakaya Kikwete wazise ngenyanga edluyo ukuthi kasoze ancintise njalo kukhetho ngoba iminyaka emihlanu minengi kakhulu ukuthi umuntu abe elokhu ebusa.

Kodwa uMugabe yena useleminyaka engamatshumi amathathu lanhlanu ebusa. Ingcwethi ezinengi zisole kakhulu ukuya eTanzania kukaMugabe ngoba yena engafuni ukusuka esihlalweni.

Eyinye inkokheli ebikhona kulumkhosi ibalisa uMongameli Jacob Zuma wakwele South Africa, uMongameli Joseph Kabila wakwele DRC, uMongameli Edgar Lungu wakwele Zambia kunye labanye asebasukayo embusweni.

Ingcwethi ecubungula ezombusazwe uMnu. Nhlanhla Dube utshele isTudio 7 ukuthi uMongameli Mugabe kumele azinuke amakhwapha kuqala engakacabangi ukuba esiya embuthanweni efana lalo.

"UMongameli Mugabe uye kwele Tanzania njengomkhokheli womanyano we SADC kodwa inhambo zakhe sezinengi kakhulu," kutsho UDube.

please wait

No media source currently available

0:00 0:02:12 0:00
Lapho esitholakala khona

XS
SM
MD
LG