Inhlanganiso ezilwela ilungelo loluntu esigabeni se Matabeleland zikhala ngokuthi indawo ezikhethiweyo ukuthi kuthathwe khona imbono kazulu azeneli ngoba abantu bezahamba umango omude ukuthi bazifinyelele.
Umgcinisihlalo wekomidi ebona ngokulotshwa kutsha kwesisekelo sombuso edale lephalamende, UMnu. Douglas Mwonzora, ubikwa esithi indawo ezifika phose inkulungwane eziyisithupha- 5803 sezikhethelwe lumsebenzi, wona ozaqalisa ngeviki ezayo.
Lokhu kwenzakala uhlelo lolu kungaselathemba lokuthi luzaqhutshwa ngemfanelo ngoba amanye amalunga edale lephalamende esithi awasoze aphatheke nxa engangezelelwanga imali isuka ku $25 isiya ku $75 ngelanga.
UMnu. Effie Dlela Ncube umqondisi wenhlanganiso ye Matebeleland Constitutional Reform Agenda, uthi indawo ezikhethelwe lumsebenzi zivalela inengi labantu phandle, abagoqela abagogekileyo labakwamanye amazwe.