Indlala ibikwa lokhe iluhlupho ezigabeni ezinengi zelizwe, lokhu kwasungulwa uhlelo lokusetshenziswa kwemali yakwamanye amazwe, ngoba inengi labantu lingayifinyeleli limali. Esigabeni se Bulilima lese Mangwe, eMatabeleland South, uhulumende ubikwa wamisa ukuthengiswa kweNkomo, okuyiyo indlela abantu abakulumango abathola ngayo imali yokuziphilisa, ngenxa yomkhuhlane wamasondo lomlomo.
UMnu. Norman Mpofu, owake wamela iBulilima East edale lephalamende, utshele uSithandekile Mhlanga we Studio 7 ukuthi abantu abasatholi imali yokuthenga ukudla lokubhadala imali yama school fees, ngenxa yalesisehlakalo.
Kusenjalo, uSenator Believe Gaule we Tsholotsho, laye ugcizelele lokhu watshela uSithandekile Mhlanga ukuthi indlala ibhahile esigabeni sakhe ngoba akuselazifuyo zokuthengisa, njalo abasebenza eSouth Africa abasenelisi ukuncedisa imuli zabo njengakuqala. UGaule ungezelele wathi abantu bohlobo lwabathwa yibo abalamba kakhulu emangweni weTsholotsho.