amalinks wokungena

Breaking News

Induna YeMashonaland Central Ibiza UMnu. Tsvangirai Ukuzochasisa Ngodaba Lokulobola UNkosazana Locadia Tembo Ngenyanga KaLwezi


Induna le ibikwa ifike ehofisini kaTsvangirai eHarare lamuhla ukumazisa ngalumhlangano, okufanele ubekhona ngoMgqibelo ozayo, yatshiya umbiko emnyango ngoba yena engekho uMnu. Tsvangirai

Induna yesigabeni se Mashonaland Central uChief Negomo usebize inhloko kahulumende uMnu. Morgan Tsvangirai ukuthi azochasisa phambi kwayo ngokuthi kungani “walobola” uNkosazana Locadia Karimatsenga Tembo ngenyanga kaLwezi, okulinyathelo elizilayo ngesiko lesiShona.

Induna le ibikwa ifike ehofisini kaTsvangirai eHarare ngolweSithathu ukumazisa ngalumhlangano, okufanele ubekhona ngoMgqibelo ozayo, yatshiya umbiko emnyango ngoba yena ube engekho.

UTsvangirai yena uyaphika ukuthi wamlobola uNkosazana Tembo, esithi uhlawule indleko eziphathelene lokuthi uzithwele kuphela.

Kusenjalo, inhlanganiso elwela amalungelo abesifazana eye Women of Zimbabwe Arise isola intathelizindaba kanye lamabandla ezombusazwe ngendlela abahlukuluza ngayo uNkosazana Tembo.

Isiphathamandla salinhlanganiso uNkosazana Magodonga Mahlangu utshele uSithandekile Mhlanga weStudio 7 ukuthi intathelizindaba zibhala ngendlela yokweyisa abesifazana, bekhupha uMaMTembo isithunzi, kukanti labezombusazwe bamsebenzisa ukulwisana.

XS
SM
MD
LG