amalinks wokungena

Breaking News

Inengi LabeZimbabwe Elidinga Ukuhlala ESouth Africa Ngokusemthethweni Kalikatholi Incwadi Ezipha Limvumo


Emhlanganweni oqhutshwe izolo ukhokhelwa yisiphathamandla sikahulumende we South Africa uMnu. Jack Mammabolo lomunye wakhe we Zimbabwe uMnu. Godgrey Magwenzi, kuvezwe ukuthi sokulephetshena elibizwa ngokuthi yi Amnesty Confirmation Form

Uhulumende we South Africa useveze ukuthi sokulungiswe incwadi ezingaphansi kwengxenye yenani lezizalwane zeZimbabwe ezidinga ukuhlala e South Africa ngokusemthethweni ezingabazinkulungwane ezedlula ikhulu-133, 331 njalo abantu abazinkulungwane phose ezingamakhulu amathathu-275 762 lokhu belindele lezincwadi.

Emhlanganweni oqhutshwe ngoMvulo ukhokhelwa yisiphathamandla sikahulumende we South Africa uMnu. Jack Mammabolo lomunye wakhe we Zimbabwe uMnu. Godgrey Magwenzi, kuvezwe ukuthi sokulephetshana elibizwa ngokuthi yi Amnesty Confirmation Form okufanele izizalwane zeZimbabwe ezazisebenzisa amaphepha e South Africa ngokungekho emthethweni ziligcwalise ukuze zingalahlekelwa zimpahla zazo.

UMnu. Ngqabutho Dube, isiphathamandla se Stakeholders’ Forum elwela amalungelo ezizalwane zeZimbabwe njalo obekulumhlangano utshele uSithandekile Mhlanga weStudio 7 ukuthi inhlanganiso ezizimeleyo ziphikise inyathelo lokuthi abadinga incwadi zokuzalwa kanye lezithupha kufanele beyezidinga eZimbabwe lona uhlelo soluzafika komlindi uyacina.

XS
SM
MD
LG