amalinks wokungena

Breaking News

Inengi Lithi I-MDC Isiguqule Imcabango Ngencwadi Elotshwe NguMnu. Tendai Biti


Incwadi kaBiti ichaza ukuthi kuluhlu aluqoqileyo lokusetshenziswa kwemali elizweni lonyaka, i budget, igoqela inhlelo ezibiza izigidi ezedlula ezingamakhulu ayisithupha -$600 million ebithenjiwe ukuthi izavela ekuthengiseni amadayimana la.

Sokuphume imbono etshiyeneyo ngencwadi ebikwa ilotshwelwe eleMelika ngumphathintambo wogatsha lukahulumende lwezemali uMnu. Tendai Biti ekhonona ngezijeziso ezetheswe inkampani ye Mbada Diamondss le Marange Resources, okungaphambanisa ukuthengiswa kwamadayimana eZimbabwe.

Lanxa amankampani la evunyelwe ukuthengisa amadayimana yinhlanganiso ye Kimberley Process Certification Scheme, eleMelika liwangezelele kuluhlu lwamankampani angaphansi kwezijeziso zalo zenotho.

Incwadi kaBiti ichaza ukuthi kuluhlu aluqoqileyo lokusetshenziswa kwemali elizweni lonyaka, i budget, lugoqela inhlelo ezibiza izigidi ezedlula ezingamakhulu ayisithupha -$600 million ebithenjiwe ukuthi izavela ekuthengiseni amadayimana la.

UMnu. Rejoice Ngwenya, ingcwethi kwezenotho utshele uSithandekile Mhlanga weStudio 7 ukuthi uMnu. Biti uphangise kakhulu ukugcona eleMelika ngoba kusobala ukuthi lethulela izijeziso amankampani ebandla leZANU PF njalo i-MDC ibikuvuma lokhu.

XS
SM
MD
LG