Ilunga leCentral Committee yebandla leZANU PF uMnumzana Jonathan Moyo usesole kakhulu ibandla leMDC elikhokhelwa nguMnumzana Morgan Tsvangirai ngokucela idale lecabinet ukuthi limise ukutshaywa kwengoma zeZANU PF emisakazweni yonke yeZBC.
IMDC ithi ingoma lezi ezihlatshelwa liqembu le Mbare Chimurenga Choir zeyisa uhulumende womanyano njalo zixega uzulu. Kodwa uMoyo uthi iMDC ilahlekile nxa isithi ingoma lezi ziyathuka.
UMoyo uthethe lelithuba lokuthuka iStudio 7 esithi ngumsakazo ohlezi utshaya ingoma zeMDC njalo usakaza kweleZimbabwe okungekho emthethweni.
UBrenda Moyo weStudio 7 ukhulume loMnumzana Zenzele Ndebele owe Radio Dialogue othi inengi alizithakazeleli lezingoma ezihlatshelwa ngolimi lwesiShona, esithi lemfanekiso yazo ayitshengisi nhlonipho.
UBrenda uphinde waxhuma ingcwethi kwezombusazwe uMnumzana Thabani Moyo othi abeMDC kuzamela bafake labo ingoma zabo eZBC babone kumbe zingemukelwa loba hatshi kulokugijimela ukukhonona.
.
