Ingxabangxoza ilokhu iqhubekela phambili ezikolo, uhulumende esithi kalamali yokuholisa ababalisi abazahlola ukuqhubeka kwemihloliso ye 0 le A level izikolo zivaliwe, lababalisi labo besithi bafuna ukuholiswa ngoba lesi yisikhathi abayabe bedinga ukwenza imisebenzi yokuziphilisa.
Lokhu kwenzakala ama Kontraki ababalisi abafundisa emaphandleni okwesikhatshana, sokumele avuselelwewe, njalo kungenziwanga lokhu, kungaswelakala ababalisi abeneleyo bokuhlola ukuqhubeka kwalimhloliso, eqalisa ngolweSine isiyaphela mhlaka 18 ngenyanga ezayo.
Izikolo zivalwa mhlaka 4 ngenyanga ezayo. UMnumzana Sifiso Ndlovu, isiphathamandla senhlanganiso ye Zimbawe Teachers’ Association, i ZIMTA, utshele uSithandekile Mhlanga we Studio 7 ukuthi inhlanganiso yakhe izakhuthaza uhulumende ukuthi lapho athola khona imali ayiphe ababalisi abazahlola ukuqhutshwa kwemihloliso le.