amalinks wokungena

Breaking News

Ingxabano Phakathi KweCOPAC leBhetshu Likazulu Iqhubekela Phambili


Inhlanganiso le ithi ngokwenzenjalo, iCOPAC ibangcolisile ibenza abantu abayizikliwi, njalo abangathembekanga, ngokunjalo, kumele iCOPAC yethule imbiko yokuxolisa kumaphephandaba ayisitshiyangalombili abalisa, i The Chronicle, The Sunday News, The Herald, The Sunday Mail, The Financial Gazette, The Standard, The Independent le NewsDay.

Ikomiti ebona ngokulotshwa kutsha kwesisekelo sombuso edale lephalamende, i-COPAC, isiphikise icala eletheswa ngamalunga amathathu enhlanganiso elwela ilungelo loluntu eye Ibhetshu Likazulu emthethwandaba, elokutshela uzulu ukuthi bebaqaphele ngoba kungamelanga besebenze kuloluhlelo. Inhlanganiso le ithi ngokwenzenjalo, iCOPAC ibangcolisile ibenza abantu abayizikliwi, njalo abangathembekanga, ngokunjalo, kumele iCOPAC yethule imbiko yokuxolisa kumaphephandaba ayisitshiyangalombili abalisa, i The Chronicle, The Sunday News, The Herald, The Sunday Mail, The Financial Gazette, The Standard, The Independent le NewsDay.

Abathathu laba ngoMnumzana Qhubekani Dube, Mqondisi Moyo, loPhathisani Nondo, abamelwe ligqwetha labo uMnu. Sindiso Mazibisa.Umthethwandaba ufumene iCOPAC ingelacala lokubamisa umsebenzi ngoba bengakuvezanga sobala ukuthi phezu kokuba ngamalunga enhlanganiso ezimeleyo, bangamalunga ebandla le ZAPU, lona elaselilabantu abeneleyo elibameleyo.

Kodwa isiphathamandla se COPAC, uMnu. Edward Mkhosi utshele uSithandekile Mhlanga we Studio 7 ukuthi kube kufanele ukuthi iCOPAC yethule imbiko ixwayisa abantu ngabathathu laba, ngoba bengatshengisanga ukuthembeka kusukela ekuqaleni. IStudio 7 ayenelisanga ukukhuluma lomkhokheli wenhlanganiso yeBhetshu Likazulu, uMnu. Qhubekani Dube, ngoba ebikwa elokhu evalelwe esitokisini kusukela ngoLwesine olwedluleyo phezu kodaba olutshiyeneyo.

XS
SM
MD
LG