amalinks wokungena

Breaking News

Inhlanganiso Ezizimeleyo Lamabandla Ezombusazwe Zithi Kuqiniswe Imizamo Yokudinga UMnu. Chizuze


Inhlanganiso eziphatheke ekudingeni uMnu. Chizuze zigoqela i Churches in Bulawayo, Grace to Heal, Legal Resources Foundation, Masakhaneni Trust, Radio Dialogue, Research and Advocacy Unit, Zimbabwe Human Rights NGO Forum, Zimbabwe Civic Education Network Trust, kanye le Zimbabwe Lawyers for Human Rights.

Ekuqhubekeni kwemikhankaso yokudinga uMnu. Paul Chizuze, umlweli wamalungelo oluntu onyamalale kumaviki amathathu edluleyo, inkonzo ye Baptist Church esejikweni lomgwaqo uGeorge Silundika lo Second Avenue koBulawayo ibikwa ilokhu ikhuthaza abantu ukuthi belumathise ikhandlela kulinsonto bekhulekele uMnu. Chizuze.

Ngakwelinye icele, inhlanganiso ye Women of Zimbabwe Arise ibikwa itshengisele izolo eHarare lako Bulawayo phezu kodaba lokunyamalala kukaMnu. Chizuze, inengi elicabangela ukuthi kuphathelane lezombusazwe.

Inhlanganiso eziphatheke ekudingeni uMnu. Chizuze zigoqela i Churches in Bulawayo, Grace to Heal, Legal Resources Foundation, Masakhaneni Trust, Radio Dialogue, Research and Advocacy Unit, Zimbabwe Human Rights NGO Forum, Zimbabwe Civic Education Network Trust, kanye le Zimbabwe Lawyers for Human Rights.

UMnu. Edwin Ndlo isikhulumi secele le MDC elikhokhelwa nguMnu. Welshman Ncube koBulawayo uthi ibandla lakhe likhathazekile kakhulu ngokunyamalala kukaMnu. Chizuze.

XS
SM
MD
LG