Inhlanganiso ezizimeleyo zikhokhelwa yinhlanganiso ye Crisis in Zimbabwe Coalition zikwele zambia lapho ezikhulumisana lenkokheli yalelolizwe ukuthi kwenziwe ukhetho olukhululekileyo ezimbabwe. Isikhulumi senhlanganiso ye Crisis, uMnu. Dehwa Mavhinga utshele iStudio 7 ukuthi injongo yaloluhambo ngeyokukhuthaza inkokheli entsha yakwele Zambia ukuthi ikhulume loMongameli Mugabe ukuthi lanxa engaqotshwa kukhetho kumele atshiye isikhundla kungela dlakela njengalokhu okwenzakala kwele Zambia kunyanga ezintathu ezedluleyo lapha umnu. Rupiah Banda atshiye isikhundla kungela dlakela.
UMavhinga uthi okunye okwenze bakhulumisane lomongameli Michael Sata labanye bakhe yikuthi elezambia ngelinye lamazwe akunhlanganiso ye SADC Troika egoqela elesouth Africa le Tanzania. Ilanga lokhetho ezimbabwe alikaziwa. Ingcwethi ecubungula ezombusazwe, uMnu. Rejoice Ngwenya utshele iStudio 7 ukuthi okwenziwe yinhlanganiso lezi akusoze kwaphathisa lutho.
