Inhlanganiso ezizimeleyo zithi zavumelana uhlelo lokulotshwa kutsha kwesisekelo sombuso lusungulwa ukuthi zizakhankasela ukuthi ugwalo lwesisekelo sombuso esitsha lungemukelwa kukhetho lwereferendum nxa udaba lokwabelwa izabelo amandla, olweDevolution , lungasingxenye yokumunyethwe lugwalo lwesisekelo sombuso esitsha.
Lokhu kulandela amazwi kaMongameli Robert Mugabe lezinye iziphathamandla zebandla le ZANU PF athi ukwabelwa izabelo amandla akufuneki kusisekelo sombuso esitsha ngoba kuyehlukanisa abantu ngemihlobo.
UMnu. Effie Dlela-Ncube, ilunga leboard ye National Association of Non-Governmental Organizations emele isigaba se Matabeleland utshele uSithandekile Mhlanga weStudio 7 ukuthi inhlanganiso ezizimeleyo zathatha lesisinqumo kusaqoqwa imbono yabantu ezangena kusisekelo sombuso esitsha.