amalinks wokungena

Breaking News

Inhlanganiso YeResearch and Advocacy Unit Isola Ukuhlukuluzwa Kwabesifazana


Embikweni esanda kuwethula, inhlanganiso le ithi kuyadanisa ukuthi emajele abesifazana abamunyisayo labalomkhuhlane wengculaza bayatshaywa njalo bencitshwe utshinda lokusebenzisa nxa besesikhathini.

Inhlanganiso elwela amalungelo oluntu eye Research and Advocacy Unit ithi kufanele kulungiswe okuhluphayo kwezomvikela elizweni njalo kulotshwe isisekelo sombuso ukuze kwenqabelwe ukuhlukuluzwa kwabesifazana eZimbabwe.

Embikweni esanda kuwethula, inhlanganiso le ithi kuyadanisa ukuthi emajele abesifazana abamunyisayo labalomkhuhlane wengculaza bayatshaywa njalo bencitshwe utshinda lokusebenzisa nxa besesikhathini.

IResearch and Advocacy Unit isebenzise imizekeliso ejulileyo eyabesifazane abakunhlanganiso ezigoqela i-International Socialist Organization le Women of Zimbabwe Arise.

Iphinde yasola uMongameli Robert Mugabe ochothoze omela isigodlo seZimbabwe eAustralia uNkosikazi Jacqueline Zwambila emhlanganweni webandla le ZANU PF esithi uMaZwambila wanqunula.

Umkhokheli wabalwa impi yenkululeko uMnu. Jabulani Sibanda laye usolwe ngokuthi wathi uNkosikazi Theresa Makone omunye wabaphathintambo ababona ngokwenzakala elizweni mubi ebusweni isithi lokhu yikuhlukuluza abesifazana.

UNkosikazi Tholakele Mahlangu olwela ilungelo loluntu utshele uSithandekile Mhlanga we Studio 7 ukuthi laye sewake wavalelwa ejele wathwala amagabha avuzayo.

XS
SM
MD
LG