amalinks wokungena

Breaking News

IAmnesty International Ikhuthaza EleZimbabwe Ukuthi Lifundise Abezomvikela Ngokuphathwa Kuhle Kwabantu Kulandelwa Iziqondiso zeUnited Nations


IAamnesty International iphinde ya khuthaza ukuthi kufanele amapholisa engabophi mahlayana abesifazana, ikakhulu abamunyisayo labazithweleyo njalo kumele ababotshiweyo bafinyelele amagqwetha abo, ukudla, kanye lokwelatshwa lapho kudingakala

Inhlanganiso elwela ilungelo loluntu eye Amnesty International isikhuthaze eleZimbabwe ukuthi lidingisise ngokwephulwa kwelungelo loluntu okwenziwa ngabezomvikela elizweni eminyakeni elitshumi edluleyo ngendlela yokumisa ukwephulwa kwelungelo loluntu.

Inhlanganiso le ithi abezomvikela, abagoqela abebutho, inhloli zikahulumende, amapholisa labanye kufanele bafundiswe indlela yokuphatha ngazo uzulu belandela iziqondiso zenhlanganiso yomanyano wamazwe omhlaba owe United Nations. lphinde yakhuthaza ukuthi umthetho we Public Order and Security Act leminye encindezela ilungelo loluntu yesulwe kumbe iguqulwe.

IAamnesty International iphinde ya khuthaza ukuthi kufanele amapholisa engabophi mahlayana abesifazana, ikakhulu abamunyisayo labazithweleyo njalo kumele ababotshiweyo bafinyelele amagqwetha abo, ukudla, kanye lokwelatshwa lapho kudingakala.

UMnu. Godwin Phiri, unobhala jikelele we nhlanganiso ye National Associations of Non-Governmental Organizations, i NANGO, utshele uSithandekile Mhlanga we Studio 7 ukuthi lanxa umbono we Amnesty International ujulile, kufanele kuhlolisiswe ukwephulwa kwelungelo loluntu kusukela ilizwe lithola uzibuse ngo 1980, hatshi kuminyaka elitshumi edluleyo kuphela.

XS
SM
MD
LG