Inhlanganiso yezokholo, iChristian Alliance, ithi isiqalise uhlelo lokuletha ndawonye izakhamizi ezilokhu zilokufuthelana ngodaba lodlakela olwenzakala phambilini kokhetho luka 2008. Linhlanganiso ithi esigabeni se Masvingo, lapho okuke kwaqhamuka udlakela izakhamizi ziphindisela loludlakela, sekulokuxolelana.
Linhlanganiso ithi lumkhankaso uzaqhubeka endaweni ezitshiyeneyo zelizwe. Isikhulumeli seChristian Alliance, uMfundisi Useni Sibanda utshele uChris Gande weStudio 7 ukuthi basebenzelana logatsha lukahulumende lokuxolelana lanxa lolugatsha lungakaqalisi okuqotho uhlelo lokuletha ndawonye izakhamizi.