Inhlanganiso ye Mass Public Opinion ithi ukudingisisa ekuqhube ezigabeni zeMashonaland, Matabeleland, le Masvingo, kuveza ukuthi inengi labantu lifuna ukuthi uMongameli Robert Mugabe lowayengumkhokheli welinye lamacele eMDC uMnu. Arthur Mutambara betshiye izikhundla zabo kuhulumende, ngoba bengala sekelo olunengi oluvela ebantwini.
UMutambara kuthiwa adedele isikhundla sakhe osekhokhela elinye lamacele eMDC uMnu. Welshman Ncube, njalo uMnu. Morgan Tsvangirai ukhuthazwa ukuthi aqinise ekulwisaneni LoMongameli Mugabe ukuze alethe umbuso okhululekileyo elizweni.
Kodwa umqondisi walinhlanganiso, uMnu. Eldred Masunungure, utshele iStudio 7 ukuthi inhlanganiso yakhe isisehluleka ukuqhuba inhlelo zayo ngokupheleleyo kwezinye izigaba ngenxa yomumo oselizweni, njalo imbono le ithethwe kunhlanganiso ezilwela amalungelo oluntu kuphela.
UMnu. Roderick Fayayo, ingcwethi ecubungula ezombusazwe, utshele uSithandekile Mhlanga we Studio 7 Ukuthi okufunyenwe yilinhlanganiso ngo Mutambara, uMongameli Mugabe, kanye lo Tsvangirai kuliqiniso.