Imbiko yokuthi isigaba seMandebeleni kasithuthuki okuhambelana lezinye izigaba zelizwe sekulethe ukufethelana okukhulu kulesi sigaba. Lokhu kubikwa kwengezelelwe yikususwa kwamankampani koBulawayo esiwa eHarare. Okuyikho okudale ukusungulwa kwenhlanganiso ye Mthwakazi Liberation Front, esungulwe njengebandla lezombusazwe kodwa yathi sokulaphaya isizithi yinhlanganiso nje kuphela ekhuthaza ukuvuselelwa kwesizwe sikaMthwakazi.
Linhlanganiso ithi kumele isigaba seMandebeleni sixexebuke elizweni leZimbabwe sizibuse. Ukuhlaziya loludaba uChris Gande oweStudio 7 uxoxe loMnu. Abednico Bhebhe oke wamela isigaba seNkayi edale lephalamende lomgcinisihlalo walinhlangiso, uMnu. Max Mkandla.
