Ekuqhubekeni kohlelo lokulotshwa kutsha kwesisekelo sombuso inhlanganiso ekhankasela lumsebenzi, iNational Constitutional Assembly ithi laye isiqinise uhlelo lwayo lokuthi uzulu angaphatheki kuhlelo lukahulumende.
INCA lenhlanganiso yezisebenzi, iZCTU, kunye leyabafundi zahlangana ekupheleni komnyaka odluleyo zavumelana ukuthi zizaqoqa uhlelo lwazo lokudinga isisekelo esitsha. Isikhulumeli se NCA, uMnu. Madock Chivasa utshele intathelizindaba ukuthi kusiyaphela linyanga uhlelo lwabo luzakuba selufinyelele abanengi.
Kuthi ngakwelinye icele, kuhlelo lukahulumende, amalunga edale lephalamende abefundiswa ngokuqutshwa kwaloluhlelo ngolweSibili. Omunye wabagcinisihlalo bekhomidi ebona ngokuqutshwa kwaloluhlelo, umnu. Edward Mkhosi uxoxe loChris Gande weStudio 7 ngaloluhlelo.
