amalinks wokungena

Breaking News

Inhlanganiso yeUnited Nations Yengezelela Isiceleo Semali Yokuphathisa iZimbabwe


Linhlanganiso ithi eleZimbabwe libhekane lendlala yikho sekufunakala imali yokuphathisa abaswelayo

Inhlanganiso yomanyano wamazwe womhlaba eye United Nations isingezelele isicelo semali yokuphathisa abaswelayo eZimbabwe ngezigidi eziyisikhombisa lantathu zamadollar-$73 million ngenxa yendlala esisidla ubhedu.

Lokhu kuvele emkhosini wokuphawula isicelelo lesi eHarare ngolweSibili. Ekupheleni komnyaka odluleyo linhlanganiso ibithe ifuna amadola phose izigidi ezingamakhulu amahlanu-$488 million ukuphathisa eleZimbabwe.

Isikhulumi sehofisi ebona ngokuphathisa uzulu, eye Humanitarian Affairs, uNkosazana Matilda Moyo utshele iStudio 7 ukuthi lanxa sekuqhamuke indlala esabekayo kwele Somalia balethemba lokuthi bazayithola imali yokuphathisa abadubekayo eZimbabwe.

XS
SM
MD
LG