amalinks wokungena

Breaking News

Inhlanganiso Zamatitshala Ziphoselana Aqatha Phezu Kokukhalala umsebenzi


Inhlanganiso yamatitshala iProgressive Teachers’ Union of Zimbabwe ithi inani lababalisi abakhalala umsebenzi lilokhu liqansa. Linhlanganiso ikhuthaze ababalisi ukuthi bakhalale umsebenzi kusukela ngeviki edluleyo ngemva kokuba bethole bengengezelelwanga iholo njengesithembiso sikamongameli Mugabe.

Kodwa enye inhlanganiso yababalisi, iZIMTA ithi akula ngitsho lombalisi oyedwa osekhalale umsbenzi. Ukwehlukana kwembono yenhlanganiso lezi sekukhathaza inhlanganiso elwela izisebenzi jikelele iZCTU ethi sekumele lezinhlanganiso zikhumisane umlotha zikhulume ngezwi linye.

Umsekeli kanobhala jikelele weZCTU, uMnu. Japhet Moyo utshele iStudio 7 ukuthi bona bayakhuthaza amatishala ukuthi akhalale umsebenzi uhulumende aze abengezelele iholo.

Kodakwe, unobhala jikelele wenhlanganiso yeZIMTA, uMnu. Richard Gundane uthi iPTUZ ikhuthaza amatitshala ukuthi akhalale umsebenzi khona kungavunyelwananga emhlanganweni wenhlanganiso zezisebenzi, i APEX Council, yikho lokhu kukhalala umsebenzi kungela sekelo.

​
XS
SM
MD
LG