Uhlangothi lwezifundo ze Forced Migration Studies Programme e University ye Witswaters Rand eJohannesburg, selukhuthaze amazwe angezansi yezwekazi le Africa ukuthi ethule umthetho ozavikela kanye lokupha imvumo yokuhlala kuzizalwane zeZimbabwe ezibaleke elizweni lazo ngenxa yenhlupho kwezombusazwe lezo mnotho. Umbiko wale inhlanganiso owethulwe ngemva kwenhlolisiso enziwe eBotswana, eMozambique, eZambia leMalawi, ukhomba ukuthi ukwehluleka kwamazwe la ukuphatha udaba lweZimbabwe njengo lwehlukileyo kuzehlakalo ezinye emhlabeni, sekwengezelele ukuhlupheka kwamaZimbabwe endaweni abalekela kuzo.
Ucwaningo lolu eluveze ukuthi amazwe asezansi yezwekazi le africa ayehluleka ukusiza amaZimbabwe abaleke elizweni lawo ngenxa yendubeko.
Kunjalo nje, kulabeZimbabwe abahlanu abatholakale befihlwe ngemva kwesigengele seroli ethalwa impahla esingangenisi umoya, bezama ukuchaphela eSouth Africa okungekho emthethweni.
Amapholisa eBotswana athi acabangela ukuthi lokhu kubhahile bexhwayisa ukuthi abanye bangalahlekelwa yimpilo njengalokho okwenzakala ngomnyaka ka2000, okwafa abantu abalitshumi lane.
Amapholisa edolobheni leFrancistown athi asethole abantu abahlanu abadabuka eZimbabwe abakade bevalelwe ngemva kweroli engelamoya.
