Udadewabo kaMongameli Mugabe, uNkosazana Sabina Mugabe, obhubhe ngolweSine, uhle waphiwa inhlonipho yeqhawe lesizwe. Umuyi obhubhe eseleminyaka engamatshumi ayisikhombisa lasithupha wakhethwa kathathu ukumela izigaba ezithi iMakonde East leZvimba edale lephalamende.
NgolweSine uMongameli Mugabe wethule amazwi okukhumbula udadewabo emzini wakhe e Eastlea eHarare lapho aduduzwe yinhloko kahulumende, uMnu. Morgan Tsvangirai lomsekeli wakhe uMnu. Arthur Mutambara lezinye iziphathamandla zikahulumende.
Uzulu uthi umangaliswe yisiqubu aphiwe ngaso linhlonipho evame ukuthatha isikhathi eside ukuthi yaziswe ngemva kokuhlangana kwedale lePolitburo.
UChris Gande weStudio 7 uxoxe lomkhokheli wenhlanganiso yabalwa impi yenkululeko, i Zimbabwe liberator’s platform, uMnu. Max Mkandla ngaloludaba.