amalinks wokungena

Breaking News

Inkampani YeTelecel Zimbabwe Ithwele Amagabha Avuzayo - Jane Mutasa


Umgcinisihlalo we Telecel Zimbabwe owamiswa umsebenzi okwamanje uNkosikazi Jane Mutasa uthi inkampani ye Telecel isebenza isebunyameni ngenxa yokuswelakala kwecence lemvumo lokwenza ibhizimusi.

Intathelizindaba yethu uMark Peter Nthambe ubika ukuthi uNkosikazi Mutasa utshele ikomidi yephalamende lamuhla ukuthi inkampani le isebenza njalo ingelabaqondisi be Zimbabwe.

Kusenjalo, inhlanganiso ye Wealth Creation and Empowerment Council elamankampani labantu abansundu be Zimbabawe ibikwa isizama ngamandla wonke ukuthi ithathe iTelecel.

Inhlanganiso lezi zigoqela iAffirmative Action Group, National Miners’ Association, Zimbabwe Farmers Union, Zimbabwe National War Veterans Assocaition kanye le Indigenous Business Women’s Organization.

Omunye walinhlanganiso uMnu. Leo Mugabe ubikwa secele uMongameli Robert Mugabe ukuthi angenele kuloludaba anike njalo linhlanganiso ilicence lokwenza umsebenzi we Telecel.

Ingcwethi kwezenotho uMnu. Walter Mbongolwane uthi selidumela emansumpeni ukuthi linhlanganiso ithathe linkampani isebenzisa imithetho yelizwe yohlelo lwe indigenization.

XS
SM
MD
LG