amalinks wokungena

Breaking News

Inkampani YeVictoria Falls Bunjee ithi Imelele Inhlolisiso Yembangela Yokuqamuka Kwentambo Eyawisela Isethekeli KuZambezi


Inkampani ye Victoria Falls Bunjee Jumping ekhangela umdlalo wokuzithokozisa owe Bunjee Jumping e Victoria Falls ithi ilokhu isadingisisa ukuthi kuyini okonakeleyo okungabe kubangele ukuwela emfuleni uZambezi kwesethekeli se Australia esiqanyukelwe yintambo siphakathi kwalumdlalo.

Inkampani ye Victoria Falls Bunjee ebona ngomdlalo wokuzithokozisa owe Bunjee Jumping e Victoria Falls ithi ilokhu isadingisisa ukuthi kuyini okonakeleyo okungabe kubangele ingozi yokuwela emfuleni uZambezi kwesethekeli se Australia esiqanyukelwe yintambo siphakathi kwalumdlalo.

Umfanekiso wale ingozi owevideo, osugcwele ebulenjini, uveza uNkosazana Erin Langworthy ewela kuZambezi inyawo lokhu zibotshiwe.

Kodwa uNkosazana Langworthy ubikwa enelisile ukuntsheza, wabonakala phezu kwamanzi, wasehlengwa yimikhumbi andubana ayekwelatshwa.

UNkosazana Langworthy ubikwa esekhutshiwe esibhedlela eSouth Africa, njalo ubikwa esengabuyela kibo kweleAustralia.

Inkamani ye Victoria Falls Bunjee imangale isibindi sika Langworthy njalo yathi yiso esimsize engozini eyesabekayo.

UMnu. Mike Davies, umqondisi walinkampani, uthi sokweqa abantu abedlula inkulungwane ezilikhulu lengxenye, 150,000 eminyakeni elitshumi lasikhombisa edluleyo lokhu inkampani le yaqala ukusebenza njalo akukaze kulimale muntu.

UDavies utshele uSithandekile Mhlanga we Studio 7 ukuthi intambo ewise uNkosazana Langworthy isithunyezelwe eSouth Africa ukuthi iyehlolwa, ngendlela yokudinga imbangela yalingozi.

XS
SM
MD
LG