Inkampani kagetsi eye ZESA Holdings ithi imelele ukuthi uhulumende akhethe inkampani ezathwala umsebenzi wokubethela ama pre-paid meters ezindlini ezedlula inkulungwane ezingamakhulu ayisithupha-600 000 elizweni lokhe jikelele ngendlela yokuqeda uhlupho lukagetsi.
Isikhulumi salinkampani uMnu. Fullard Gwasira utshele iStudio 7 ukuthi uhlelo lolu luzanceda abantu ngoba bezabhadala ugetsi abamsebenzisayo kuphela njalo lukhweze amandla kagetsi elizweni.
Ezinye imuli sezivele zisebenzisa ama pre-paid meters la.
UMnu. Ambrose Sibindi, isiphathamandla se Bulawayo Progressive Residents Association utshele uSithandekile Mhlanga weStudio 7 ukuthi uhlelo lwama pre-paid meters lungasebenza kuhle nxa imbadalo yalo iphansi.