Inkokheli zamapholisa seziveze ukukhathazeka ngokuqatshwa kwamapholisa acatshangelwa ukuthi ngabasekeli becele leMDC elikhokhelwa nguMnu. Morgan Tsvangirai. Lokhu kuvele encwadini ethunyelwe amapholisa enkambeni zonke zelizwe.
Enye yalezincwadi ebonwe yintathelizindaba yeStudio 7 elotshwe ngu Deputy Commissioner Innocent Matibhiri ithi ibandla leMDC lifuna ukungenisa abasekeli balo esipholiseni ukuze babophe abasekeli beZanu PF.
Lincwadi ithi njalo kumele omsitheli bahlolisiswe ngoba labo sebekhanya besebenzelana leMDC. UChris Gande oweSTudio 7 uxoxe lomsekeli wesikhulumeli sebandla leMDC ekhokhelwa nguMnu. Tsvangirai, uNkosazana Thabitha Khumalo othi okwenziwa ngamapholisa kutshengisa ubandlululo ngoba akumelanga umuntu aziveze ukuthi usekela liphi ibandla nxa edinga umsebenzi.