Abakhokheli bamazwe akuSADC bahlangene ngolweSine loMongameli Armando Guebuza weMozambique, ongumgcinisihlalo weTroika ebazisa ngokuthi inkulumo phakathi kweZanu PF leMDC sezifike kuliphi izinga.
UMongameli Mugabe ubikwa ube khona laye emhlanganweni lo, oqhutshwe ngemva komkhosi wokufungiswa kukaMnu Guebuza ukuba nguMongameli weMozambique.
Kodwa umsekeli wesikhulumeli seMDC ekhokhelwa nguMnumzana Morgan Tsvangirai uNkosazana Thabitha Khumalo utshele uNtungamili Nkomo owe Studio 7 ukuthi ibandla lakhe alaziswanga ngomhlangano lo.
Umkhokheli welinye lamacele eMDC njalo engomunye wabasekeli benhloko kahulumende uMnumzana Arthur Mutambara walile ukukhuluma ngalolu daba kanye lomphathintambo obona ngokwenzakala ewofisini kamugabe uMnu Dydimus Mutasa.
