Inkokheli yamazwe eSadc egoqela uMongameli Mugabe ihlangene kweleAngola ngoLwesithathu ihlaziya udaba lweZimbabwe kanye lokuhluphayo emazweni agoqela iSwaziland kanye leMalawi.
Inhloko kahulumende uMnu Morgan Tsvangirai kanye lomkhokheli welinye lamacele eMDC uMnu Welshman Ncube labo bakulumhlangano.
NgoLwesibili khona ugatsha lweTroika luhlangele lwanquma ukuba uMongameli Jacob Zuma kumele aqhubeke engumlamulankunzi kudaba lweZimbabwe lanxa inkokheli yeZanu PF ibifuna asuswe.
UZuma ubekhangelelwe ukwazisa enye inkokheli yeSadc ngoLwesithathu ntambama ukubana usefika kuliphi ibanga ngemizamo yokulungisisa udaba lweZimbabwe.
Ukuhlaziya loludaba uNtungamili Nkomo uxhume ingcwethi kwezombusazwe uMnu Effie Dlela Ncube yena othe iSadc kumele iluphathe ngamandla udaba lweZimbabwe lulungisiswe.
