amalinks wokungena

Breaking News

Inkokheli YeWOZA UNkosikazi Jenni Williams LoMagodonga Mahlangu Babotshelwa Ukuthumba Umuntu Lokuntshontsha


Inkokheli yenhlanganiso ye Women of Zimbabwe Aize, uNkosikazi Jenni Willimas lo Nkosazana Magodonga Mahlangu bakhangelelwe ukumiswa phambi komthethwandaba kusasa kulandela ukubotshwa kwabo izolo besetheswa icala lokuthumba umuntu lokuntshontsha impahla.

Inkokheli yenhlanganiso ye Women of Zimbabwe Arise, uNkosikazi Jenni Willimas lo Nkosazana Magodonga Mahlangu bakhangelelwe ukumiswa phambi komthethwandaba ngolweSihlanu kulandela ukubotshwa kwabo ngolweSithathu besetheswa icala lokuthumba umuntu lokuntshontsha impahla.

Amanye amalunga alitshumi alinhlanganiso abotshwe lo Williams lo Magodonga wona akhululwe esitokisini ngemva kokuba abatshutshisi belahlele khatshana udabo lwabo besithi ababoni cala abalenzileyo ngokufola.

Igqwetha elimela amalunga eWOZA uMnu. Kossam Ncube utshele uSithandekile Mhlanga weStudio 7 ukuthi icala eletheswa ababili leli ngelakudala njalo ababili laba bayalilandula.

Kusenjalo, amalunga alitshumi ecele le MDC elikhokhelwa nguMnu. Welshman Ncube abotshwe ngempelaviki edluleyo koBulawayo, akhululwe ngolweSine entolongweni ye Khami Remand Prison ngesibambiso se bail samadola alitshumi lanhlanu umuntu munye-ngamnye, kulandela isinqumo somthethwandaba ophezulu.

Abalitshumi laba bakhangelelwe ukuya emizini yabo ngolweSihlanu ekuseni.

XS
SM
MD
LG