Sekuqhamuke ukungavumelani phakathi kwenkokheli yeZanu PF ngodaba lokwenziwa kokhetho kwele Zimbabwe. UMongameli Mugabe useke wazisa ilizwe ukuthi ufuna ukhetho lwenziwe masinyane kusanda gqitshwa umsebenzi wokulotshwa ikweisekelo sombuso esitsha
Ngeviki edluleyo umphathintambo wezemithetho, uMnu. Patrick Chinamasa yena ukhulume osekuhlala kukhulunywa ngabamanye amabandla athi ukhetho lumele lwenziwe ngomnyaka ozayo kumbe phambi komnyaka ozayo ka 2013. Bathi ngoba lungenziwa masinyane kungakalungisiswa zonke iziqondiso zesivumelwano sokubunjwa kukahulumende womanyano kungaqhamuka umsindo lodlakela kumbe impumela yalolokhetho ingamukelwa yilabo abayabe bencintisa.
NgolweSithathu isikhulumeli seZanu PF uMnu. Rugare Gumbo utshele iStudio 7 ukuthi ukhetho lungenziwa lasiphi isikhathi nxa sekuqedwe isisekelo sombuso.
UChris Gande weStudio 7 uxoxe lesikhululemeli secele leMDC elikhokhelwa nguMnu. Welshman Ncube, uMnu. Nhlanhla Dube othi sekusobala ukuthi amanye amabandla asevumelana lapho ukuthi ukhetho kumele lungenziwa lonyaka.